Сармоягузорон

ҶДММ “Ғаюр Гурӯҳ”, аз нуқтаи назари сармоягузорӣ ва ҷалби сармоя ба иқтисодиёти воқеии кишвар, яке аз ширкатҳои бузурги Тоҷикистон ба ҳисоб меравад.

Корхонаҳои мо дар соҳаҳои гуногун, аз қабили сементбарорӣ, истеҳсоли оҳак, рангҳо, халтаҳои полипропиленӣ, фурӯзонакҳои диодӣ, нассоҷӣ ва ғ. фаъолияти муваффақона мебаранд.

Ғаюр Гурӯҳ ширкатҳои хоҳишмандро барои амалисозии лоиҳаҳои нав дар қаламрави Тоҷикистон даъват мекунад. Бозори минтақаи Осиёи Марказӣ, ки ҳоло хеле соҳаҳояш бо маҳсулоти воридотӣ ишғол шудааст ва аз технологияҳои замонавӣ бой нест, босуръат афзоиш меёбад. Минтақа ба истеҳсолкунандагони маҳаллӣ, аз пеш бештар, ниёз дорад.

Низоми сармоягузорӣ дар Тоҷикистон кушоду шаффоф буда, ҳама шаклҳои сармоягузорӣ баробар истиқбол мешаванд. Дар қонунгузорӣ, барои соддаву осонтар кардани бақайдгирии фаъолияти тиҷоратӣ ва сабук кардани андозбандӣ, такмилоту иловаҳо ворид шудаанд. Бозори озоди пуртақозо ва мунтазам афзоянда, зиёдшавии аҳолӣ, болоравии нишондиҳандаҳои иқтисодӣ, беҳгардии сатҳи зиндагонии мардум ва зиёдшавии қобилияти харидории онҳо, шароити олӣ барои соҳибкорон Тоҷикистонро ба минтақаи беҳтарине барои таъсиси корхонаҳои нави истеҳсолӣ ва сармоягузорӣ табдил додааст.

ҶДММ “Ғаюр Гурӯҳ” аз шумури сармоягузорони бузургу босуръат рушдкунандаи кишвар буда, дар ҷалби сармояи хориҷӣ ба бахшҳои гуногуни иқтисоди Ҷумҳурии Тоҷикистон ва бунёди корхонаҳои бузурги саноатӣ нақши муҳим дорад. Ширкат дар як муддати кӯтоҳ, бо ҷалби сармояи хориҷӣ, якчанд лоиҳаҳои аҳамиятноки сармоягузориро амалӣ намуд, ки маблағашон зиёда аз 330 миллион доллари ИМА-ро ташкил медиҳад.

Ширкат кӯшиш дорад, ба яке аз бузургтарин ширкатҳои сармоягузории минтақа табдил ёфта, лоиҳаҳои азими сармоягузориро амалӣ созад.

Дар Ҷумҳурии Тоҷикистон ҷиҳати ҷалби сармояи хориҷӣ ва беҳтар намудани фазои сармоягузорӣ, ҷалби сармоя ва дастгирии бахши хусусӣ, инчунин таҳкими кафолатҳо ва масъулияти сармоягузорон, механизмҳои кафолати байналмилалӣ ва созишномаҳои сармоягузорӣ тадбирҳои зарурӣ андешида шудаанд.

Аз ҷумла, барои такмилдиҳии қонунгузорӣ, қонунҳои муҳим дар соҳаи сармоягузорӣ, манотиқи оизоди иқтисодӣ, тақисмоти маҳсулот, созишномаҳои сармоягузорӣ, шарикии давлату бахши хусусӣ қабул шудаанд. Ҳамроҳ гаштани Ҷумҳурии Тоҷикистон ба Конвенсияи Созмони Милали Муттаҳид доир ба эътироф шудани қарорҳои судҳои ҳакамӣ, яке аз омилҳои муҳими беҳбуди фазои сармоягузорӣ, баланд бардоштани фаъолияти соҳибкорон ва ҳифзи фаъолияти онҳо ба ҳисоб меравад. Пайвастшавӣ ба ин конвенсия имкони ҳимояи мустаҳкамтари ҳуқуқу манфиатҳои сармоягузоронро тавассути механизмҳои ҳуқуқии байналмилалӣ ба вуҷуд овард.

Дар таҷрибаи ҷаҳонӣ минтақаҳои озоди иқтисодӣ, бинобар пешниҳоди имтиёзҳои гуногуни андозӣ ва дигар имтиёзҳои муфид, барои сармоягузорон яке аз беҳтарин ҷойҳои тиҷорат шинохта мешаванд. Дар Ҷумҳурии Тоҷикистон, бо мақсади ҷалби сармоя ба иқтисодиёти воқеӣ, чаҳор минтақаи озоди иқтисодӣ таъсис дода шудааст, ки дар онҳо барои сармоягузорон шароити мусоиди иқтисодӣ ва низоми махсуси ҳуқуқӣ фароҳам оварда шудааст. Ба субъектҳои минтақаҳои озоди иқтисодӣ доираи васеи имтиёзҳои андозиву гумрукӣ пешбинӣ гаштааст. Аз ҷумла, воридоти мол ба минтақаҳои озоди иқтисодӣ ва содироти мол ба хориҷа бе андозбандӣ ва пардохти боҷи давлатӣ сурат мегирад. Субъектҳои минтақаҳои озоди иқтисодӣ аз ҳамаи намудҳои андозҳо, ғайр аз андози иҷтимоӣ ва даромади шахси воқеӣ, озод карда мешаванд.

Дар баробари ин, барои сармоягузорон боз имтиёзҳои дигар пешбинӣ шудаанд. Корхонаҳои нави истеҳсолӣ, ки дар давоми 12 моҳи пас аз бақайдгирии ибтидоии давлатӣ, сармояи оинномавиашонро то ба маблағи муайян такмил диҳанд, аз пардохти андоз аз фоидаи шахсони ҳуқуқӣ, бо таври зерин, озод карда мешаванд:

Ғаюр Гурӯҳ, бо изҳори омодагӣ ба ҳамкорӣ бо сармоягузорони хориҷӣ дар татбиқи лоиҳаҳои сармоягузорӣ дар соҳаҳои саноат, сохтмон, сайёҳӣ ва ғайра, ашхоси хоҳишмандро ба боздид аз кишвари офтобӣ ва меҳмоннавози тоҷикистониён даъват мекунад.