A PHP Error was encountered

Severity: Warning

Message: mysqli::real_connect(): Headers and client library minor version mismatch. Headers:50564 Library:100143

Filename: mysqli/mysqli_driver.php

Line Number: 155

Backtrace:

File: /var/www/gayur.tj/data/www/gayur.tj/application/models/News_model.php
Line: 15
Function: database

File: /var/www/gayur.tj/data/www/gayur.tj/application/controllers/News.php
Line: 11
Function: model

File: /var/www/gayur.tj/data/www/gayur.tj/index.php
Line: 268
Function: require_once

ҶДММ "ҒАЮР"

Ифтитоҳи корхонаи сементбарории ҶДММ КМ «Хуасин Ғаюр (Суғд) Семент»

2016-03-23

Сафари кории Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар вилояти Суғд аз ноҳияи Бобоҷон Ғафуров оғоз гардид.

Сарвари давлат Эмомалӣ Раҳмон дар ҷамоати деҳоти Чашмасори ноҳияи Бобоҷон Ғафуров бо буридани лентаи рамзӣ корхонаи сементбарории Ҷамъияти дорои масъулияти маҳдуди «Хуаксин Ғаюр - Суғдсемент»-ро мавриди баҳрабардорӣ қарор дод.

Ба Президенти мамлакат Эмомалӣ Раҳмон иттилоъ доданд, ки сохтмони корхона аз ҷониби ширкати ватании «Ғаюрсемент» дар якҷоягӣ бо шарикони чинӣ - Ширкати «Хуаксин семент» соли 2014 оғоз ёфта буд ва дар масоҳати 48 гектар замини бекорхобида бо харҷи зиёда аз як миллиард сомонӣ бунёд гардидааст.

Иқтидори лоиҳавии корхона дар як шабонарӯз 3300 тонна ва дар як сол беш аз 1 миллион тонна семент буда, дар он беш аз 1300 нафар бо кори доимӣ таъмин шуданд. Беш аз 90 фоизи коргарон шаҳрвандони Тоҷикистон мебошанд, ки маоши онҳо аз 1500 то 12000 сомониро ташкил медиҳад. Дар корҳои сохтмонӣ ва васлгарии корхона 1400 нафар бинокор ва кормандони муҳандисию техникӣ иштирок намудаанд, ки аксари онҳо сокинони маҳаллӣ буданд.

Бо мақсади таъмини муътадили фаъолияти корхонаи сементбарорӣ нерӯгоҳи барқи ҳароратӣ бо иқтидори  25 мегаватт дар як соат бунёд карда шудааст.

Барои таъмини шароити мусоиди кору зисти коргарон дар назди корхона хобгоҳи муосир ва ошхона бунёд гардидааст.

Президенти мамлакат Эмомалӣ Раҳмон бо фаъолияти корхона шинос шуда, ба кори соҳибкорон баҳои баланд дод ва арзи сипос намуд.

Корхонаи «Хуаксин Ғаюр - Суғдсемент» бо технологияи муосири ҷаҳонӣ сохта шуда, маҳсулоташ бепартов ва аз ҷиҳати экологӣ безарар мебошад. Навъи сементи корхона 400, 500 ва 600 буда, ба стандартҳои ҷаҳонӣ ҷавобгӯ ва дар бозори аврупоӣ маъмулу рақобатпазир мебошад.

Корхона ҳамасола ба давлат беш аз 145 миллион сомонӣ андоз хоҳад супорид.

Ба гуфти соҳибкори ватанӣ Акбар Ғуломов, бо фаъол гардидани корхонаи мазкур ва афзоиши маҳсулот арзиши семент дар Тоҷикистон, аз ҷумла вилояти Суғд то 35 дарсад коҳиш меёбад ва он боз воридотивазкунанда низ ҳаст.

 Баъди ифтитоҳи корхонаи азими саноатӣ дар ҳамин ҷо Президенти мамлакат Эмомалӣ Раҳмон бо фаъолони ноҳияи Бобоҷон Ғафуров ва коргарони ин коргоҳи истеҳсолӣ мулоқоти судманд анҷом дод.

Зимни суханронӣ Сарвари давлат Эмомалӣ Раҳмон ба сокинони ноҳия мавриди баҳрабардорӣ қарор гирифтани корхонаи «Хуаксин Ғаюр - Суғдсемент» - ро бо таъсиси 1300 ҷойи корӣ муборакбод намуд.

Сарчашма: Хадамоти матбуоти Президенти Ҷумҳурии Тоҷикистон